கேள்விகள்

குற்றம் குற்றமே!

2010-06-01T03:13:00.000-07:00

நரசிம்மா!

நெற்றிக்கண் திறப்பினும் குற்றம் குற்றமே!

கடும் கண்டனங்கள்!!

நான் ஆண் அல்ல - ஸ்வாமிகள் பேட்டி

2010-04-30T03:03:00.000-07:00

நான் ஆண் அல்ல - ஸ்வாமிகள் பேட்டி

http://timesofindia.indiatimes.com/india/Im-not-a-man-Nityananda-told-CID-sleuths/articleshow/5874923.cms

ஆண் அல்லவென்றால் இவன் செய்தது எல்லாம் குற்றம் இல்லையா?

பாவம் பக்தர்கள்!

உலக சதுரங்க சாம்பியன்ஷிப் போட்டி - தொடர் பதிவு -ஆட்டம்-3

2010-04-28T22:54:00.000-07:00

உலக சதுரங்க சாம்பியன்ஷிப் போட்டி - தொடர் பதிவு -2

இந்த ஆட்டம் ஆனந்த்திற்கு ஒரு moral victory - எப்படியென்றால் இந்தப் போட்டிகள் துவங்கும் முன்பே டோபலோவ் குரூப் ஆனந்த்தை வெறுப்பேற்ற - நாங்கள் ஸோஃபியா ரூலை பின்பற்றுவோம் (அதாவது டிரா ஆஃபர் பண்ணக்கூடாது) என்று பீலா வுட்டார்கள். அதற்கு பதில் 3ஆவது ஆட்டத்தில் ஆனந்த் அளித்தார்.

வெள்ளைக் காய்களுடன் ஆடிய டோபலோவ் 40-ஆவது நகர்த்தலின்போது ஆட்டம் நிச்சயம் ஒரு Dead Draw என்று புரிந்துபோனது. ஆனால் டிரா ஆஃபர் பண்ணக்கூடாது என்று இவர்களே போட்டுக்கொண்ட விதியின் காரணமாக (ஆனந்த்தை அலட்சியம் செய்துவிட்டு) ஆர்பிட்டரிடம் ஓடினார் டிரா கேட்டு டோபலோவ். ஆர்பிட்டரும் மேசை அருகில் வந்தார், ஆனால் ஆனந்த்தோ தனது காயை நகர்த்திவிட்டு நிமிர்ந்தார் (இதன் அர்த்தம் டிரா ஆஃபர் Rejected). வேறு வழியின்றி டோபலோவ் உட்கார்ந்து தனது காயை நகர்த்தத் தொடங்கினார்.
ஆனந்த் 3 fold repetition முறையில் டிரா பெற்றார் - நான் எனக்கு வேனுமுன்னா எப்படி டிரா செய்யனும்னு எனக்குத்தெரியும் என்ற strong message - ஐ டோபலோவிற்கு தெரியப்படுத்தினார்.

இனி ஆட்டம் பற்றி

போனமுறை கருப்புக்காயில் மிகக்குறைந்த நகர்த்தலில் தோற்ற ஆனந்த் இந்த முறை என்ன செய்வார் என்று ஆவலாகக் காத்திருந்தேன். இந்த முறை ஸ்லேவ்- முறையில் எதிர்கொண்டார். இதில் ஒரு வேடிக்கை என்னவென்றால் போன முறையும், இந்த முறையும் ஆனந்த்தின் சாய்ஸ் அவரது (பழைய)எதிரி க்ராம்னிகின் ஃபேவரிட்டான catalan & slav ஆட்டமுறை என்பதுதான்.

துல்லியமான நகர்த்தல்கள், ஆனந்த் பார்க்க சிறிது சிரமத்தில் இருப்பது போல் தோன்றினாலும் டிராவில் முடிந்தது எனக்கு மகிழ்ச்சி. ஆனந்த்தின் காய்கள் போர்டில் பாதியைத் தாண்டவே இல்லை என்பது இதி ஒரு வேடிக்கை. முதலிலேயே Queen-ஐ போர்டிலிருந்து எடுத்துவிடுவது ஆனந்த்திற்கு ஒருவகையில் பலமாகவே இருந்து வருகிறது.

அடுத்த ஆட்டம் ஆனந்த் வெள்ளை - இன்னுமொரு வெற்றியா?

உலக சதுரங்க சாம்பியன்ஷிப் போட்டிகள் - தொடர் பதிவு -1

2010-04-25T23:15:00.000-07:00

உலக சதுரங்க சாம்பியன்ஷிப் போட்டி - தொடர் பதிவு -1

பல்கேரிய நாட்டின் தலைநகர்(?) ஸோபியா-வில் நடந்துகொண்டிருக்கும் உலக சதுரங்க சாம்பியன்ஷிப் போட்டி நமது நாட்டின் ஆனந்த் மற்றும் பல்கேரியாவின் டோபலோவிற்கும் இடையே 1:1 என்ற நிலையில் தற்போது நடந்துகொண்டிருக்கிறது.

ஆனந்த்தின் பலம் - Opening, Positional Play
டோபலோவின் பலம் - Unknown variations, Risk taking, Biased home advantage

எனக்கென்னவோ ஆனந்த் ஜெயிச்சுடுவார்னுதான் தோனுது.

இரண்டு மேட்ச் முடிஞ்சிருச்சு. மூனாவது மேட்ச்சிலிருந்து எனது அலசல் ஆரம்பம்.
உங்கள் கருத்துக்களைப் பகிர்ந்துகொள்ளுங்கள்

ஒரு நிமிஷ அவசரம்!

2009-12-24T02:46:00.000-08:00

நீங்க கவனிச்சிருப்பீங்க அல்லது நீங்களே செஞ்சிருப்பீங்க

1. சிக்னலில் கோட்டைத்தாண்டியே எப்போதும் வண்டியை நிறுத்துவது!
2. சிக்னலில் சைடில் வந்து ஒட்டிக்கொள்வது Free Leftஐ மறித்து அல்லது வரும் வழியை மறித்து.
3. சிக்னல் விழுந்தவுடன் முன்னாடி வண்டியைப் போகச்சொல்லி ஹார்ன் அடிப்பது ( முன்னாடி வண்டிக்காரர் அங்கேயே என்ன குடும்பமா நடத்தப்போகிறார்?)

4. கியூவில் எத்தனை பேர் நின்றாலும் அவர்களை மதிக்காது இடையில் புகுவது.

இத்தனைக்கும் ஒரு நிமிஷ அவசரம்தான் காரணம். எனக்கு உண்மையாவே தெரியல - அந்த ஒரு நிமிஷத்துல அவங்க போய் என்ன செய்யப்போறாங்க? எல்லாருக்கும் இடைஞ்சல் கொடுத்துக்கொண்டு!

அன்புடன்

ஏழாவது அறிவு!

2009-12-22T00:05:00.000-08:00

உங்களுக்குத் தெரிந்த ஒரு கதையை இங்கே உதாரணம் காட்ட விரும்புகிறேன்.

ஒரு கிணற்றுத்தவளை - பிறந்ததில் இருந்தே அந்த கிணற்றிலேயே வாழ்ந்து வந்தது. கடும் புயல் மழையில் ஒரு கடல் தவளை ஒரு நாள் அந்தக் கிணற்றில் வந்து சேர்ந்தது. கிணற்றுத்தவளை கேட்டது "நீ எங்கிருந்து வருகிறாய்?"
"கடலிலிருந்து"
"கடலா? அது எப்படியிருக்கும்?"
"அது ரொம்பப் பெருசு!"
"ரொம்பப் பெருசா? இந்தக் கிணற்றை விடப் பெருசா?"
"அட! இந்தக் கிணற்றையும், கடலையும் எப்படி ஒப்பிடமுடியும்? அது இதைப் போல் பல லட்சம் மடங்கு பெரிசு"
"நீ பொய் சொல்றே!, இதை விட பெரிசா வேறொன்று எப்படி இருக்க முடியும்" - கிணற்றுத்தவளை

இதே போலத்தான் நாமும், நம்மால் புரிந்து கொள்ள முடியாத விஷயத்தை - இல்லை! - இருக்க முடியாது!! என்று முடிவு கட்டி விடுகிறோம்.

கடவுள் இருக்கிறாரா? இல்லையா?
* இருக்கிறார் என்பவர்களை விட்டு விடுவோம் - அது அவர்கள் நம்பிக்கை
* இல்லை என்பவர்கள் - உண்மையிலேயே கடவுள் இருக்கிறாரா? இல்லையா? என்று தெரியவில்லை என்பவர்களையும் விட்டுவிடுவோம் - அவர்கள் என் கட்சி
* இல்லை என்பவர்கள் - கடவுள் இல்லை என்பவர்களுக்கு மட்டும் தான் இந்த விவாதம்

அறை எண் 305-ல் கடவுள் படத்தில் பிரகாஷ்ராஜ் ஒரு இடத்தில் சொல்லுவார் - "சுவத்துல இருக்கிற பல்லிக்கு அதன் பக்கத்தில் இருக்கிற பல்ப் ஏன் எரியுது? எப்படி எரியுதுனு தெரியுமா? அல்லது விளக்கித்தான் புரியவைக்க முடியுமா?" என்று.

நான் சொல்ல வரும் விஷயமும் அதுதான். எப்படி ஐந்தறிவுள்ள ஒன்றால் ஆறறிவு படைத்த நம் செயல்களுக்கு விளக்கம் சொல்ல முடியாதோ? அதே போல் ஏழறிவு படைத்த கடவுள் செயல்களை நம்மால் கண்டு தீர்மானிக்க முடியாதல்லவா?

வரிசையாக ஊர்ந்து செல்லும் எறும்புகளை நாம் காலால் மிதித்து அழிக்கிறோம் என்று வைத்துக்கொள்ளுங்கள். அவை என்ன நினக்கும் (நினைத்தால்!) - இப்படி மனிதர்கள் என்ற இனம் ஒன்று உண்டு, நம்மால் அவர்களுக்குத் தொல்லை அதனால் நம்மை அழிக்கிறார்கள் என்று நினைக்குமா? தன் அறிவு நிலையைத் தாண்டி அவைகளால் சிந்திக்க முடியாது அல்லவா? ஆறறிவு பெற்ற ஒரு விலங்கு (மனிதன்தான்) இருக்கும் என்று அவை சிந்திக்குமா?

ஒரு எருமைக்கு எப்படியோ நம் தொலைக்காட்சி பற்றித் தெரிந்துவிட்டது என்று வைத்துக்கொள்வோம் அதை இன்னொரு எருமைக்கு புரியவைக்க முடியுமா? அது எப்படிடா லண்டன்ல நடக்கிற விளையாட்டை நம்ம ஓனரு இங்கே லைவா பார்ப்பாரு? எவ்ளோ தூரம்?னுதான வாதாடும்.

கடவுள் இருக்கலாம், நமக்கு எப்படி டெக்னாலஜியோ கடவுளுக்கும் வேறு ஒரு டெக்னாலஜி இருக்கலாம், நமக்கில்லாத ஏழாவது அறிவு பெற்றிருக்கலாம். அதை வைத்து நமக்கு விளையாட்டுக்காட்டலாம்.

ஆகவே கடவுள் இருக்கிறாரா - தெரியாது என்பதுதான் என் கட்சி. இருக்கலாம், இல்லாமலும் இருக்கலாம் - தெரியாது.

இன்னும் சில விஷயங்கள் கடவுள் இருக்கலாம் என்பதற்கு சேகரித்துக் கொண்டிருக்கிறேன் விரைவில் அவற்றுடன்.

அன்புடன்.

ஈரோடு பதிவர் சந்திப்பும், காதில் புகையும்.

2009-12-21T01:10:00.001-08:00

ரொம்ப கஷ்டப்பட்டு கதிரும், ஆருரனும் விழாவைச் சிறப்பாக நடத்தி முடித்தார்கள். வாழ்த்துக்கள்.

எனக்கு சொந்த ஊரை விட்டு நண்பர்கள் என்பதே சொற்பம். ஆனால் விழாவிற்கு வந்திருந்த பதிவர்களைப் பார்க்கும்போதும், அவர்களுக்குள் நட்பாகக் கலந்து பேசிக்கொள்வதைப் பார்க்கும்போதும் என் காதில் புகைவந்ததென்னவோ நிஜம். நட்பு என்பதற்கு வயது, அந்தஸ்து என்ற எதுவுமே இல்லை என்பதை அங்கு கண்டேன். வால் எவ்வளவோ வால் செய்தும், யாரும் அவரைக் கோவிக்காதது என்னை நெகிழச்செய்தது. அவரவரை அவரவர் இயல்பான குணங்களுடனே ஏற்பதே நட்பு என்பதற்கு இதைவிட வேறென்ன வேண்டும்.

இனிமே பாருங்க! நானும் மத்தவங்க காதுல புகை வரவைக்கப்போகிறேன்.

அன்புடன்

ஆத்திகம் பற்றி சில

2009-12-20T21:58:00.000-08:00

1. சாமி கும்புடக் கூட காசு கேக்கிறாங்க - காசு இருக்குறவங்களுக்கு ஒரு வரிசை, இல்லாதவங்களுக்கு ஒரு வரிசை - சரியா?

2. உண்டியல்ல காசு போட்டுட்டா நம்ம தப்பெல்லாம் சரியாப் போய்டுமா?

3. தீர்த்தம் சாப்பிடுறவங்க மட்டுமே 75 சதம் சபரி மலைக்கு மாலை போடறாங்களே ஏன்?

4. சாப்பாட்டுக்கே வழியில்லாமல் நாட்டில் பலர் இருக்க, சாமிக்கு பாலாபிஷேகமும், ஆர்ப்பாட்டமும் தேவையா? (உடனே அரசியல்வாதிகளை உதாரணம் காட்டக்கூடாது)

5. ஆத்திகர்கள் எல்லாம் கடவுள் நம்பிக்கை உள்ளவர்களா?

அன்புடன்
கோடீஸ்

பதிவர் சங்கமம் - ஈரோடு

2009-12-05T01:16:00.001-08:00

நானும் கலந்துக்கிறமல்ல!

Contact Nos. for participation :
வால்பையன் 99945-00540
ஈரோடு கதிர் 98427-86026
ஆரூரன் 98947-17185
பாலாசி 90037-05598
ராஜாஜெய்சிங் 95785-88925 (அகல்விளக்கு)

புதிதாய் புதிர்கள்

2009-07-28T23:18:00.000-07:00

1. பத்து திருடங்க மாங்கா திருடப்போய் நிறைய மாங்காய் திருடிட்டாங்க. திரும்ப வரும்போது இருட்டாய்டுச்சு, ஒரு சத்திரத்துல திருடின மாங்காய்கள கொட்டி வச்சுட்டு, காலைல பிரிச்சுக்கலாமுனு தூங்கிட்டாங்க.

கொஞ்ச நேரத்துல ஒரு திருடன் எழுந்து ரொம்ப பசிக்குது, நாமே சரியா பிரிச்சு வச்சுட்டு நம்ம பங்கு மாங்காய சாப்பிடலாம்னு பிரிக்க ஆரம்பித்தான். ஆனா சரியா பிரிக்க ஒரு காய் குறைந்தது. என்ன செய்யலாம்னு பார்த்தான் அப்போ சுவரில் இருந்த ஒரு சந்துக்குள் ஒரு மாங்காய் இருப்பதைப் பார்த்து மகிழ்ந்து அதை எடுத்தான். ஆனால் உள்ளே இருந்து ஒரு நாகம் அவன் கையில் கொத்தியது. கையை உதற மாங்காய் மீண்டும் அதே சந்தில் விழுந்தது (அப்படித்தான்!). இவன் செத்துவிட்டான்.

சற்று நேரம் கழித்து இன்னொரு திருடனுக்குப் பசிக்க அவன் எழுந்து பார்த்தான். ஒருவன் செத்துக் கிடப்பதைப் பார்த்து மகிழ்ந்து சரி இனிமேல் ஒன்பது பங்காக்கினால் போதும் என்று பிரிக்க ஆரம்பித்தான். ஆனா சரியா பிரிக்க ஒரு காய் குறைந்தது. என்ன செய்யலாம்னு பார்த்தான் அப்போ சுவரில் இருந்த ஒரு சந்துக்குள் ஒரு மாங்காய் இருப்பதைப் பார்த்து மகிழ்ந்து அதை எடுத்தான். ஆனால் உள்ளே இருந்து ஒரு நாகம் அவன் கையில் கொத்தியது. கையை உதற மாங்காய் மீண்டும் அதே சந்தில் விழுந்தது.

இதே போல் விடிய விடிய ஒன்பதுபேரும் செத்துப்போய்விட கடைசித் திருடன் எழுந்து அத்தனை (எத்தனை என்பதுதான் கேள்வி) காய்களையும் எடுத்துக் கொண்டு போய்விட்டான். அவர்கள் பறித்த காய் எத்தனை (குறைந்தபட்சம்)?

2. ஒரு ராஜா தனது நன்பர்களை விருந்துக்கு அழைக்கிறார். காலையில் விருந்து. இன்னும் 12 மணி நேரம் இருக்கிற போதுதான் தெரிகிறது - தன் நண்பர்களுக்காக வாங்கி வைத்திருக்கும் வெளிநாட்டு மதுபுட்டிகள் 8 -ல் ஒன்றில் விஷம் கலக்கப்பட்டிருப்பது.

அந்த விஷம் வேலை செய்ய சுமார் 10 மணி நேரம் ஆகும் (ஒருதுளி மது போதும் சாகடிப்பதற்கு). எப்படி எந்தப் புட்டியில் விஷம் கலக்கப்பட்டுள்ளது என்பதைக் கண்டுபிடிப்பது, விருந்தைத் தள்ளி வைப்பதும் கேவலம் என்று யோசிக்கும் போது அவருக்கு நினைவுக்கு வந்தது - மூன்று மரணதண்டனைக் கைதிகள்.

இவர்களை வைத்து இந்த மதுபுட்டிகளை சோதித்து அதை தூக்கி எறிந்து விடுங்கள் இவர்களில் யார் செத்தாலும் பரவாயில்லை, விருந்தினர்களுக்கு ஏது ஆகக்கூடாது என்று தன் மந்திரியைக் கூப்பிட்டுச் சொல்லிவிட்டுச் சென்றுவிட்டார். மந்திரியும் தன் மூளையைக் கலக்கி சரியாகக் கண்டுபிடித்துவிட்டார்.

நீங்களும் தான் கண்டுபிடியுங்களேன்.

ஷேர் மார்கெட்டும் - ஸ்டாடிஸ்டிக்ஸும்

2009-07-07T05:53:00.000-07:00

வரவர ஷேர் மார்கெட் ஜோசியம் நிறையப்பேர் சொல்ல வந்திருக்காங்க!. அதும் Chart, Support, Resistance என பல டெக்னிக்கல் வார்த்தைகளுடன் அசத்த ஆரம்பிச்சிருக்காங்க. நல்லது.

என் கேள்வி என்னான்னா

1. Statistics -நிஜ வாழ்வில் எப்படி ஒத்துவரும்?

2. இன்று technicals எதுவும் வேலை செய்யவில்லை என்று சொல்வது ஏன்?

3. ஒரு நம்பர் லாட்டரி இருந்தபோது, இன்று எந்த நம்பர் வாங்கலாம் என்பதை ஏதோ ராக்கெட் சைன்ஸ் போல கணக்கிட்டு பணத்தைத் தொலைத்தவர்களுக்கும் இவர்களுக்கும் என்ன வித்தியாசம்?

4. எந்தவிதமான் புறக்காரணிகளும் இல்லாதபோதே technicals வேலை செய்யாதது ஏன்? (மார்க்கெட் இவர்கள் Support, Resistance - ல் நிற்காதது ஏன்?)

5. பங்குச்சந்தை வாங்குவர்களாலும், விற்பவர்களாலும்தான் நகர்கிறதா? இல்லை Statistics படி நகர்கிறதா?

இன்னும் வரும்!

யுனிகோடும் மொபைலும்

2009-04-08T23:48:00.000-07:00

நான் HTC - Touch Diamond - (with Windows Mobile 6.1) வாங்கியுள்ளேன். ஆனால் தமிழ்மணம் சரிவரத்தெரிவதில்லை. (Because of the Unicode Problem). எப்படி சரி செய்வது?

அன்புடன்

எந்த Cellphone வாங்க?

2009-03-26T05:25:00.000-07:00

மக்கா, நான் இப்போ Sony Ericsson - k790i (Airtel - Post paid connection) வச்சிருக்கேன், மாத்தப்போறேன், எந்த போன் வாங்கலாமுனு நெட்ல தேடுனா மண்டை காயுது. உங்க ரெகமண்டேசன் என்னானு அப்படியே சொல்லிட்டுப் போங்க.

1. Windows Mobiles OS / Symbian
2. Touch Screen / No touch
3. Camera <3>3Mp
4. 3G / No 3G
5. Wifi / No Wifi

கொஞ்சம் சிரமம் பார்க்காம சொல்லுங்க!

அனுமன் யார்?

2009-02-09T02:42:00.000-08:00

அனுமன் யார்? இதற்குப் பதில் - ராமபக்தன், வானரசேனைகளின் தளபதி, ஒரு குரங்கு என பல பதில் வரலாம். நான் வேறு ஒரு கோணத்தில் யோசித்து ஒன்று கூறுகிறேன். அதாவது அனுமன் என்பவர் அல்லது என்பது நமது மனமே. எப்படி? பாருங்கள் -

1. அனுமனது பலம் அவருக்குத்தெரியாது என்பார்கள், நமது மனோபலம் மூலம் நாம் சாதிக்கமுடியாதது எதுவுமே இல்லை ஆனால் அதன் பலம் தெரியாது நாம் இருக்கிறோம்

2. அனுமன் ஒரு குரங்கு ஒரு நிமிடம்கூட ஒரு நிலையில் இல்லாமல் அங்குமிங்கும் சுற்றும் ஒரு குரங்கின் அதே அம்சம்தான் நமது மனமும்.

3. அனுமன் வாயுபுத்திரன் - வாயுவிற்கும் அனுமனுக்கும் உள்ள அதே சம்மந்தம் நமது மனத்திற்கும் காற்றுக்கும் உண்டு - மூச்சுப்பயிற்சி மூலம் நமது மனதை கட்டுப்படுத்தலாம். மனத்திற்கும் காற்றிற்கும் உள்ள சம்மந்தம் நமக்குத் தெரிந்ததே!

இன்னும் ஏதாவது இருப்பின் நீங்களும் பகிர்ந்து கொள்ளலாமே

சாதி இருந்துவிட்டுப் போகட்டுமே!

2009-01-10T04:09:00.000-08:00

சாதி இருந்துவிட்டுப் போகட்டுமே!

சாதியைப் பற்றி டோண்டு அவர்களும், வால் பையனும் எழுதியிருந்ததைப் படித்தேன், எனது கருத்தைப் பதிவு செய்ய விரும்புகிறேன்.

மனிதன் எப்போதுமே (ஆதிகாலம் தொட்டே)ஒரு குழுவாக வாழ்ந்தே பழகியவன், அந்தக் குழுவிற்குள்ளேயே திருமணம் செய்துகொண்டு வாழ்ந்தவர்கள், மற்ற குழுவிற்கும் இதே, பழக்க வழக்கங்கள் குழுவிற்குக் குழு மாறுபடும் ஒரு குழுவிலிருந்து மற்றொரு குழுவிற்குச் சென்று அவர்கள் பழக்க வழக்கங்கள் பிடிபடாமல் உறவுகள் முகம் கோணாமல் பார்த்துக் கொள்ள மிகவும் சிரமப்பட வேண்டியிருக்கும் எனவே அந்த அந்த இனத்துக்குள் கொள்வினை, கொடுப்பினை நடத்துவது வாழ்க்கைக்கு சுலபம்.

இப்போது குழு,இனம் என்பனவற்றுக்குப் பதில் சாதி இருக்கிறது, ஒருவர் பழக்க வழக்கங்கள் மற்றவருக்கு பிடிபட்டது - சாதி விட்டு சாதி (கலப்பு மணம் என்பதை ஒரு முறை MR ராதா அவர்கள் - மனுசனை மனுசன் கல்யாணம் செய்யறதை எப்படிடா கலப்பு மணம்னு சொல்றீங்க!, மனுசன் மாட்டை கல்யாணம் செஞ்சா அது கலப்பு மணம் - அப்படின்னார்) மணம் புரிந்தவர்கள் அவர்கள் உறவுகளுக்குள் ஏற்பட்ட சிரமம் நான் அறிவேன். சாதியால் இந்த இடர்பாடு நீங்குகிறது.
வால்பையன் அவர்கள் "சாதி வன்முறைகளையும்,கலவரத்தையும் மட்டுமே கொடுக்கும்" என்று சொன்னார்.
சாதி மட்டுமா? மாநிலம், மொழி, நாடு என்ற எத்தனை மனிதனைப் பிரிக்கிறது?
ஏன் அவற்றை எல்லாம் பெருமிதமாகக் கொள்ளும் நாம், சாதியை மட்டும் சங்கடமாக உணர்கிறோம். நமக்கு அடிப்படையில் (பள்ளி, கல்லூரிகளில்) கற்பித்தவற்றை வைத்துத்தானே? நான் என் நாட்டை நேசிக்க வேண்டும், தாய் மொழியை நேசிக்க வேண்டும் என்றால் என் சாதியை நேசிப்பது என்ன தவறு? உங்களுக்கு உங்கள் தேசம் உயர்ந்தது என்றால் பாகிஸ்தானியர்களுக்கு அவர்கள் தேசம், உங்களுக்கு உங்கள் மொழி உயர்ந்தது என்றால் கன்னடம் பேசுபவர்களுக்கு அவர்கள் மொழி - இதனால் எத்தனை போர், வன்முறை (சாதியால் இறந்தவர்களை விட மேற்சொன்னவற்றால் இறந்தவர்கள், பாதிக்கப்பட்டவர்கள் எத்தனை எத்தனை!)

எனவே மொழி ஒழிக்கப்பட வேண்டிய ஒன்று, தேசம் ஒழிக்கப்பட வேண்டிய ஒன்று என சொல்லவேண்டியதுதானா? இல்லை! ஒரு குழுவாக இருப்பதில் உள்ள லாபம் இதிலும் நமக்கு வேண்டும்.

மொழி ஒழிக்கப்பட வேண்டிய ஒன்று அல்ல மொழி வெறி ஒழிக்கப்பட வேண்டும், தேசம் ஒழிக்கப்பட வேண்டிய ஒன்று அல்ல எனது தேசம்தான் சிறந்த்தது- மற்ற நாடுகள் எல்லாம் எனக்குக் கீழே என்ற எண்ணம் ஒழிக்கப்பட வேண்டும்

அதே போல சாதியும் ஒழிக்கப்பட வேண்டிய ஒன்று அல்ல சாதிவெறி ஒழிக்கப்பட வேண்டும்,எனது சாதியே உசத்தி, மற்ற எல்லாம் தாழ்த்தி என்ற எண்ணம் ஒழிக்கப்படவேண்டும்.

எனவே
சாதி இருந்துவிட்டுப் போகட்டுமே! (அதன்பாட்டுக்கு!)

புதிர் எண் - 9

2008-12-19T03:57:00.000-08:00

ஒரு ரூமில் ஒரு மின்விளக்கு உள்ளது, ரூமுக்கு வெளியில் 3 சுவிட்சுகள் (அனைத்தும் ஆஃப் செய்யப்பட்ட நிலையில்) உள்ளன. அதில் ஒன்றுதான் உள்ளே உள்ள மின்விளக்கை எரிய வைக்கும். ரூமின் கதவு நன்றாக மூடப்பட்டுள்ளது, உள்ளே விளக்கு எரிகிறதா என்பது வெளியில் தெரியாது. நீங்கள் வெளியில் உள்ள சுவிட்சை எத்தனை முறை வேண்டுமானாலும் எப்படி வேண்டுமானாலும் இயக்கிக்கொள்ளலாம் ஆனால் ஒரே ஒருமுறை கதவைத் திறந்து உள்ளே செல்லலாம் (மீண்டும் வந்து சுவிட்சுகளை இயக்கக்கூடாது)
எந்த சுவிட்சு அந்த மின்விளக்கை எரியவைப்பது என்பதை எப்படி கண்டுபிடிப்பீர்கள்?

ஆனந்த் - ஒரு முன் மாதிரி வீரர்

2008-11-03T00:13:00.000-08:00

சில மாதங்களுக்கு முன் விகடனில் (அஞ்) ஞானி - ஆனந்த்திற்கு தமிழக அரசு ஒரு வீடு (உலக சாம்பியன் பட்டம் வென்றதற்காக) பரிசளித்ததற்கு ( முதலில் அவருக்கு அரசாங்கம் அளித்த வீட்டையே அவர் உபயோகப்படுத்தாமல் வாடகைக்கு விட்டுள்ளார், இப்போது அவருக்கு எதற்கு வீடு?) என்று குட்டு வைத்ததும், அது பற்றி ஒரு விவாதம் தமிழ்மணத்தில் நடந்ததும் உங்களுக்கு நினைவிருக்கலாம். அது பற்றிய விவாதத்தில் நானும் கலந்துகொண்டேன், அது பற்றி ஒரு தனிப்பதிவு இடுவதாகவும் சொல்லியிருந்தேன்.

இப்போது ஆனந்த் மீண்டும் சாம்பியன் (இம்முறை மேட்ச்சில்) ஆகியுள்ள இதுதான் சரியான சமயம் எனப்படுகிறது (பரிசுத்தொகை - 4.5 கோடி).

செஸ்ஸில் Knock-Out, Tournament & Match என மூன்று போட்டி முறைகளிலுமே சாம்பியன் பட்டம் வென்ற முதல் வீரர். ரஷ்யாவின் ஆதிக்கத்தைத் தகர்த்து இப்பட்டம் வென்ற இரண்டாவது வீரர்.நான் பெருமைப்படுவதெல்லாம் அவரது ஆட்டத்திறனைவிட அவரது நடத்தை குறித்த்தான், சுமார் 20 ஆண்டுகால அவரது ஆட்டகாலத்தில் எந்தவிதமான சர்ச்சையிலும் சிக்காமல் (நினைவிருக்கட்டும் : செஸ் ஒரு மூளை விளையாட்டு- ஈகோ விளையாட்டு - Psychological Temper நிறைந்த விளையாட்டு) விளையாடி வருவதுதான். செஸ் ஆஸ்கார் எனும் புகழ்பெற்ற விருதை 5 முறை வென்றவர் ஆனாலும் இவை எதுவும் தன் தலைக்குள் ஏறாமல் சராசரி மனிதனைப் போல இருப்பதுதான். (இதற்கு நேர் மாறாக - காஸ்பரோவ், தபலோவ் ஆகியவர்களைப் பாருங்கள்)

எனக்கு ஒரு மகன் பிறந்தால் நிச்சயம் அது ஆனந்தைப்போல் இருக்கவேண்டும் என்றே ஆசைப்படுகிறேன்.

வாழ்த்துக்கள் - ஆனந்த்

இப்போது முதலில் கூறியுள்ள சர்ச்சை பற்றி

1. ஆனந்த் வெளிநாட்டில் வசிக்கிறார், அவருக்கு எதற்கு பரிசு?

2. முதலில் அவருக்கு அரசாங்கம் அளித்த வீட்டையே அவர் உபயோகப்படுத்தாமல் வாடகைக்கு விட்டுள்ளார், இப்போது அவருக்கு எதற்கு வீடு?

என் பதில்

1. ஆனந்த் ஸ்பெய்னில் வசித்தாலும் அவர் ஒரு இந்தியக்குடிமகன், அவர் இந்தியக்கொடியின் கீழ்தான் விளையாடுகிறார்

2. நாம் நமது நாட்டின் பெருமையைச் சிறப்பித்த ஒரு வீரருக்கு நமது அன்பைத்தெரிவிக்கத்தான் பரிசளிக்கிறோமேயல்லாமல், அதை அவர் எப்படி உபயோகப்படுத்துகிறார் என்பது தேவையில்லாதது. (அது நமது பணம், நான் ஏன் கேட்ககூடாது என்று யாரோ கேட்டார்கள்) அபினவ் பிந்த்ரா காசுக்கே வழியில்லாதவரா? பின் ஏன் அவருக்கு கோடிக்கணக்கில் பரிசளித்தோம்? அந்தக்காசை அவர் என்ன செய்தார் என்று யாருக்காவது தெரியுமா? ஷைனி வில்சனுக்கு நாம் அள்ளிக்கொட்டினோமே அந்தக்காசை அவர் என்ன செய்தார் என்று யாருக்காவது தெரியுமா? நீங்கள் கொடுத்த வீடு என்பதற்காக அவர் அந்த வீட்டிலேயே தங்கியிருக்க வேண்டும் என்கிறீர்களா? நீங்கள் கொடுக்கும் பணமும், பரிசும் விளையாட்டு வீரர்களுக்கு முக்கியம் என்று நினைக்கிறீர்களா? பணம் மட்டுமே பெரிது என்று நினக்கும் பத்திரிக்கையாளர்களும், அதற்கு ஜால்ரா அடிக்கும் பொதுமக்களும் இருக்கும் வரை ஒலிம்பிக்கில் ஒற்றைப்பதக்க நாடாகவே இந்தியா இருக்கும். கையில் பேனாவும் பேப்பருமோ அல்லது கொஞ்சம் பேரோ இருந்துவிட்டால் நம் நாட்டில் யாரும் எது பற்றியும் விமர்சிக்கலாம் அதற்கும் ஜால்ரா போட ஒரு கும்பல் உண்டு என்ற நிலை இந்தியாவைப்பிடித்த சாபம் என்றே சொல்வேன்.

அன்புடன்

ஹரித்வார் - கோவில்கள் - பயணம்-2

2008-07-08T23:12:00.000-07:00

ஹரித்வாரில் 2 கோவில்கள் பிரசித்தம் - மானசாதேவி மற்றும் சண்டிதேவி ஆகியவை. சண்டிதேவி கோவிலுக்கு ரோப்காரில்தான் செல்லமுடியும். மானசாதேவி கோவிலுக்கும் ரோப்கார் உண்டு ஆனால் நாங்கள் நடந்துதான் மலையேறினோம்.
நான் அங்கே கவனித்த ஒரு முக்கியமான விசயம் "செல்போன் உபயோகம்". ஹரித்வாரிலிருந்து ரிஷிகேஸ், கேதார்நாத், பத்ரிநாத் சென்று திரும்பும்வரை - எங்களைப் போன்ற சிலபேரைத்தவிர மற்ற யாரும் செல்போனில் பேசிக்கண்டதில்லை. ஆச்சரியம் ஆனால் உண்மை. இங்கே நம் கோவில்களில் யாவரும் செல்போனும் கையுமாகத்திரியும்போது அங்கே ஏன் அப்படி என்று விளங்கவில்லை.

மாலையில் மஹா ஆரத்தி என்ற கங்கை வழிபாடு உண்டு, கூட்டம் அலை மோதுமாம், நேரம் இல்லாததால் அதைத் தவிர்த்துவிட்டு ரிஷிகேஷ் நோக்கிப் புறப்பட்டோம்.

பயணம் - 1

2008-06-24T23:09:00.000-07:00

நண்பர்களே எங்கள் பயணம் பக்திப் பயணமல்ல, ஒரு சுற்றுலாதான் என்றாலும் நாங்கள் சென்ற இடங்கள் இதை ஒரு பக்திப் பயணமாக மாற்றியது. அது ஒரு பக்திப் பயணமோ அல்லது சுற்றுலாவோ ஆனால் அது ஒரு அற்புதமான பயணம் என்பதில் எங்கள் யாருக்கும் கருத்து வேறுபாடில்லை.

அதற்கு முன் எங்கள் குழுவைப்பற்றிய ஒரு சிறு அறிமுகம் -

1. நாங்கள் யாரும் (8 பேர்) அதற்கு முன் கேதார்நாத் - பத்ரிநாத் போனதில்லை
2. இந்தி யாருக்கும் தெரியாது (இந்தி அரக்கி ஒழிக!)
3. ஆங்கிலம் அரைகுறை (தெரிந்திருந்தும் பிரயோஜனமில்லை - அங்கே முக்கால்வாசிப் பேருக்கு ஆங்கிலம் - one two three கூட தெரியவில்லை - எங்கள் டிரைவருக்குக் கூட!)
4. தன்னம்பிக்கை மட்டும் நிறைய
5. ஆத்திகர்களும், நாத்திகர்களும், அரை - ஆத்திக-நாத்திகர்களும் அடங்கிய குழு
6. ஒரே ஊரைச்சேர்ந்த - ஒன்றாக சிறுவயதிலிருந்து விளையாடிய நண்பர்கள் என்பதால் எங்களுக்குள் எந்த ஈகோவும் இல்லை (பயணம் சுகமாக - சுபமாக இருக்க இதுதான் முக்கிய காரணம்)

தமிழ்நாட்டிலிருந்து ட்ரெய்னில் டில்லி - அங்கிருந்து காரில் 10 நாள் பயணம் (26,000 ரூபாய் - காருக்கு மட்டும்) எல்லா ஏற்பாடுகளும் ஒரு வாரம் முன்னமே செய்து கொண்டோம்.

எங்கள் பயணம் உண்மையில் டெல்லியில் தொடங்கியதென்றாலும் - உண்மையான கேதார்நாத் - பத்ரிநாத் பயணம் ஹரித்வாரில்தான் ஆரம்பம்.

ஹரித்வார்

இந்துக்களின் முக்கியமான புனித இடங்களில் ஒன்று. இங்கு பார்க்க வேண்டியவை - மானசாதேவி கோவில், சண்டிதேவி கோவில் (இரண்டும் மலை மேல் உள்ளன - கேபிள்கார் வசதி உண்டு) மற்றும் மஹா ஆரத்தி.மஹா ஆரத்தி சமயத்தில் கூட்டம் அதிகமாக இருக்கும் என்றதால் நாங்கள் அதைத் தவிர்த்துவிட்டோம்.

டெல்லியிலிருந்து இரவே புறப்பட்டு (ஒரு நாள் தங்கும் காசு மிச்சம் பிடிக்கத்தான்) 200 கி.மி கடந்து காலையில் ஹரித்வார் வந்ததில் இருந்த களைப்பு - கங்கையில் குளித்ததில் பறந்துவிட்டது (நீரில் கால் வைக்க முடியவில்லை - அவ்வளவு விறுவிறுப்பு) இரண்டு நிமிடம் நீரில் இருந்ததில் கை-கால்கள் விரைத்துப் போயின. மேலே வந்து சற்று சூடுபடுத்திக்கொண்டு மீண்டும் குதியல்.

"சரி போதும் வாங்கப்பா கோவிலுக்குப் போகலாம் "என்று குரல் கொடுத்து எல்லோரையும் இழுத்துக் கொண்டு முதலில் மானசாதேவி கோவில் மலை ஏறினோம். பாதை தெரியாமல் விசாரித்துக்கொண்டு ( மந்திர்,மந்திர் - அவ்வளவுதான்) பத்து நிமிடம் அலைந்து சரியான வழி கண்டுபிடித்தது தனி கதை.

இனி மலைமேல்-

கேதார்நாத் - பத்ரிநாத் பயணக்கட்டுரை - 1

2008-06-10T02:35:00.000-07:00

கேதார்நாத் - பத்ரிநாத் பயணக்கட்டுரை - 1
விரைவில் தொடங்குகிறேன். குறிப்புகள் தயார் செய்து கொண்டிருக்கிறேன்.
இதோ டிரெய்லர்!!

அன்புடன்

புகைப்படப் போட்டிக்கு

2008-05-08T22:41:00.000-07:00

இரட்டையர் - அல்ல!

எப்படி??

பத்ரிநாத்- கேதார்நாத் யாத்திரை உதவி வேண்டி

2008-04-03T02:27:00.000-07:00

நண்பர்களே, நாங்கள் 9 பேர் ஒரு குழுவாக ஹரித்வார், ஆலி (Auli) ,பத்ரிநாத், கேதார்நாத் செல்ல உள்ளோம். மே - 21-ல் புறப்பட உள்ளோம். அங்கு சென்று வந்தவர்கள் எங்களுக்கு வழி காட்டினால் மிக உதவியாக இருக்கும். பயணத்திட்டம் எப்படி இருக்க வேண்டும், சென்னையிலிருந்து எப்படி செல்லலாம் (ரயில் மூலம் செல்லத் திட்டம்) என்ன என்ன இடங்களைத் தவறாமல் பார்க்க வேண்டும், என்ன என்ன கொண்டு செல்ல வேண்டும் என்பன பற்றி உங்களுக்குத் தெரிந்திருப்பின் உதவிக்கரம் நீட்டுங்கள்.

அன்புடன்.

புதிர்கள் - எண் - 8

2007-10-18T03:52:00.000-07:00

1.
உங்களிடம் இரண்டு கயிறுகள் (இரண்டும் சம நீளம் கொண்டவை அல்ல) உள்ளன. ஆனால் ஒரு முனையில் பற்றவைத்தால் ஒரு மணிநேரம் எரியக்கூடியவை. இந்த கயிறுகளை வைத்து எப்படி 45 நிமிடத்தை கணக்கிடுவீர்கள்

2.
8 லிட்டர், 5 லிட்டர், 3 லிட்டர் கேன்கள் உள்ளன. 8 லிட்டர் கேனில் முழுதுமாக பால் உள்ளது 5,3 லிட்டர் கேன்கள் காலி. இந்த 3 கேன்களை வைத்து 8 லிட்டர் கேனில் 4 லிட்டரும், 5 லிட்டர் கேனில் 4 லிட்டரும் எப்படி பிரிப்பீர்கள்

புதிர் எண்-7

2007-10-16T05:24:00.000-07:00

நீங்கள் ஒரு காரில் ஒரே வேகத்தில் செல்கிறீர்கள். ஒரு இடத்தில் உள்ள மைல் கல்லில் ஒரு இரண்டெழுத்து எண் (Two digit number) அதில் உள்ளது. சரியாக ஒரு மணி நேரம் கழித்து மற்றொறு மைல்கல் பார்க்கிறீர்கள் அதில் ஒருமணிக்கு முன்னால் பார்த்த கல்லில் இருந்த எண்கள் மாறி (34 -43, 56-65 போல்) உள்ளது. மீண்டும் ஒரு மணிநேரப்பயணம் இப்பொழுது உள்ள கல்லில் முதல் கல்லில் உள்ள எண்கள் நடுவில் இப்போது பூஜ்யம் சேர்ந்து உள்ளது.

அப்படியானால் நீங்கள் சென்ற காரின் வேகம் என்ன? விளக்கம் தந்தால் நல்லது.

புதிர் எண்-6

2007-10-16T04:33:00.000-07:00

ஒரு செல்வந்தர் தன் சொத்துக்களை ஒரு உயில் எழுதிவைத்துவிட்டு செத்துப் போய்விட்டார். அந்த உயிலில் "எனது மகன்கள் இருவரும் தத்தம் காரில் வீட்டிலிருந்து புறப்பட்டு மகாபலிபுரம் செல்ல வேண்டும், ஆனால் எந்த காரின் சொந்தக்காரன் கடைசியாக மகாபலிபுரத்தை அடைகிறானோ அவனுக்கே என் முழு சொத்தும்" என்று இருந்தது.

உடனே இருவரும் தத்தம் காரில் மனம் போன போக்கில் சுற்றித்திரிந்தார்களே தவிர மகாபலிபுரத்தை அடைய முயற்சிக்கவில்லை. நாட்கள் கடந்தன, இருவருக்கும் வாழ்க்கை வெறுத்துப்போய் உங்களிடம் வந்து யோசனை கேட்கிறார்கள்.

நீங்கள் என்ன யோசனை சொல்லி இந்தப் பிரச்னையைத்தீர்ப்பீர்கள்

சச்சின் ரிட்டையராகிறார்!!!

2007-09-06T02:39:00.000-07:00

வரும் ஆஸ்திரேலியா, பாகிஸ்தான் தொடர் (ஒருநாள் போட்டித்தொடர்) முடிவில் சச்சின் ரிட்டையராகிறார்!!!. ஒரு வருத்தமான முடிவு, இருப்பினும் நல்ல பார்மில் உள்ளபோதே ரிட்டையர் ஆவது அவருக்கு மேலும் புகழ் சேர்க்கும் என்றே தோன்றுகிறது.

வாழ்த்துக்கள் சச்சின்.

மேலும் விபரங்களுக்கு
http://content-ind.cricinfo.com/india/content/current/story/309706.html

தமிழக (தமிழ்மண!) புஷ்கள்

2007-08-31T01:45:00.000-07:00

"Every nation has to either be with us, or against us" -President George W. Bush

எங்ககூட இல்லைனா யாரா இருந்தாலும் எங்க எதிரிதான். நடுநிலையாவது மண்ணாவது. யார்னு பார்க்கமாட்டோம் சகட்டுமேனிக்கு வார்த்தை இறைப்போம். ஆண்-பெண் பேதமெல்லாம் கிடையாது. அவனை அடங்கச்சொல் - நான் அடங்குறேன், நீ என்ன அவனுக்கு (அவர்களுக்கு?) சப்போர்ட்டா?

இதே கதைதான் இப்ப தமிழ்மணத்தில நடக்குது.

ஹய்யோ! ஹய்யோ!!

2007-08-29T23:43:00.000-07:00

மக்களே இப்ப தமிழ்மணத்திலேயும், தேன்கூட்டிலேயும் நடக்கிற அசிங்கமான கூத்துகளைப் பார்க்கும்போது எனக்குத் தோனறதெல்லாம் - "படிப்பு மட்டுமே ஒருத்தருக்கு நாகரீகத்தைக் கொடுக்காது" என்பதுதான். எங்க கிராமத்தில படிக்காதவங்க கூட (அட ஒரு போக்கிரி கூட!) சொல்லக்கூசும் வார்த்தைகளை இவிங்க சர்வசாதரணமா சொல்லறாங்க. இவிங்க ஒரு கோஷ்டியா (ஒரு முடிவோடு!!) ஒரு ஆளைத்தாக்க, அந்தப் பக்கம் அதைவிட மோசமான எதிர்வினை.

எங்க ஊர்ல சொல்லுவாங்கா "ரெண்டு நல்லவங்க எதிர்க்க எதிர்க்க வந்தா மூனு பாதை, ஒரு நல்லவன் ஒரு மோசமானவன் எதிர்க்க எதிர்க்க வந்தா ரெண்டு பாதை, ரெண்டு மோசமானவங்க எதிர்க்க எதிர்க்க வந்தா ஒரே பாதைதான்" அப்படினு.

மேலே சொன்ன பழமொழிய வச்சுப் பார்த்தால் இங்க ஒரே பாதையில் ரெண்டு கோஷ்டி அல்லாடுற மாதிரி தெரியுது.

பெரியார் ஒருமுறை சொன்னதை இங்கே குறிப்பிட விரும்புகிறேன். (எனது நியாபகத்திலிருந்து) பெரியாரைப் பற்றி ஒருவர் தவறாகப் பிரசாரம் செய்துகொண்டிருந்தாராம், பெரியார் தொண்டர்கள் அது பற்றி பெரியாரிடம் சொல்லி, நீங்கள் அதற்கு மறுப்பு சொல்லவேண்டும் என்று கேட்டனராம். அதற்கு பெரியார் "எனக்கு பிட்டத்தில் சிரங்கு என்று எவனாவது சொன்னால் நான் அப்படி இல்லை என்று ஒவ்வொருத்தரிடமும் சென்று தூக்கிக் காட்டிக்கொண்டிருக்கமுடியாது - கண்டுக்காம நாம நம்ம வேலையைப் பார்ப்போம்" என்று சொன்னாராம்.

எதிர்ப்பு வேண்டியத்துதான், ஆனால் இப்படியா? "ஒரு முட்டாளுடன் விவாதம் செய்யாதே, அப்புறம் யார் முட்டாள் என்று தெரியாமல் போய்விடும்" என்பது இந்தப் படித்த மேதைகளுக்குத் தெரியாமல் போய்விட்டது.

ம்! ஹய்யோ! ஹய்யோ!!

Photo Contest - August

2007-07-24T06:12:00.000-07:00

1 லட்சம் பரிசு

2007-01-30T02:35:00.000-08:00

"கள் இறக்குவதற்கு விதிக்கப்பட்டுள்ள தடையை நீக்கக்கோரும் விவசாயிகளின் கோரிக்கை தவறு என நிரூபிப்பவருக்கு ரூ 1 லட்சம் பரிசு"

எங்கள் ஊரின் தெருச்சுவர்களில் கண்ட விளம்பரம் இது. இதைக் கண்டவுடன், ஆகா தமிழ்மணத்தில் நம்மாட்கள் எதை வேண்டுமானாலும் தவறு (அல்லது சரி) என்று வாதிடுவார்களே, அவர்களுக்கு ஒரு வாய்ப்பு தரலாமே என்று இந்த அறிவிப்பு.

பெரியார் சிலையும் சில கேள்விகளும்

2006-12-09T00:33:00.000-08:00

ஸ்ரீரங்கத்தில் வைக்கப்பட உள்ள பெரியார் சிலையைப் பற்றி எனது கேள்விகள் சில

முதலில் எதிர்ப்பாளர்களுக்கு!

1. கடவுள் முன் ஒரு நாத்திகன் சிலையா என்றால் எத்தனை எத்தனை அரசு அலுவலகங்களில் பிள்ளையார் சிலை உள்ளதே, அவை எல்லாம் நாத்திகர்களுக்கு வருத்தம் தராதா?

2. கோயில் முன் எத்தனையோ பிச்சைக்காரர்கள், முடவர்கள், அருவருக்கத்தக்க நபர்கள் இருக்கலாம், ஒரு சிலை இருக்கக்கூடாதா?

3. சிலையை உடைப்பது என்பது நீங்கள் எப்படிச் செய்யலாம், ஒரு கல் உங்களுக்குக் கடவுள் என்றால், மற்றொறு கல் அவர்களுக்கு கடவுள் அல்லவா?

4. ராமர் கோவில் அந்த இடத்தைவிட்டு வேறு இடத்தில் வைக்கமாட்டோம் என்று சொல்வதற்கு என்ன என்ன காரணங்கள் உண்டோ அத்தனையும் அவர்களுக்கும் உண்டள்ளவா?

ஆதரவாளர்களுக்கு!!

1. சிலையை அந்த இடத்தில் வைப்பதன் மூலம் நீங்கள் என்ன நிரூபிக்க விரும்புகிறீர்கள், ஆத்திகர்களை நோகடிப்பதைத் தவிர?

2. ஒரு சிலைக்கு சந்தனம் பூசியவுடன் கொதித்து எழுந்த நீங்கள், அதே உணர்வு அவர்களுக்கும் இருக்ககூடாது என்கிறீர்களா?

3. இது ஜனநாயக நாடு, பெரும்பான்மைதான் அனைத்தையும் முடிவு செய்யும் எனும்போது , பெரும்பான்மை ஆத்திகர்களின் விருப்பத்திற்கு ஏன் இனங்கக்கூடாது?

4. ராமர் அந்த இடத்தில்தான் பிறந்தாரா? வேறு இடத்தில் சிலை வைக்ககூடாதா எனக் கேட்கும் கேள்வி, இங்கே அதை விட வலுவாக இல்லையா?

பாபர் மசூதியும், இட ஒதுக்கீடும்

2006-11-29T03:36:00.000-08:00

ஏங்க, ஆயிரம் வருசத்துக்கு முன்னாடி நடந்ததுக்கு இப்ப பரிகாரம் செய்யராங்களே, அப்ப பாபர் மசூதி இடிச்சது சரினா, இட ஒதுக்கீடும் சரி. இட ஒதுக்கீடு சரினா பாபர் மசூதி இடிப்பும் சரிதானே!

பின்னூட்டப் புறக்கணிப்பு

2006-10-17T02:49:00.000-07:00

தனக்கு ஜால்ரா போடாத பின்னூட்டங்களை புறக்கணிப்பது சிலருக்கு வாடிக்கையாக உள்ளதா?

1. Hariharan
2. Living Smile
ஆகிய இருவருக்கும் நான் இட்ட பின்னூட்டங்கள் (கேள்விகள்) மறுதலிக்கப்பட்டுள்ளது. உண்மையை (அது பிரசுரிக்க தகாதது இல்லையெனில்) எதிர்கொள்ள தயங்கும் போக்கு, மாற்றான் கருத்துக்கு மதிப்பளிக்க மறுக்கும் பாங்கு பொதுவாகவே நம் (வலையில்) பழக்கமாக மாறிவருகிறதா?

புதிர் எண் - 5

2006-10-05T02:18:00.000-07:00

1. ஆரோக்கியமான இரண்டு நபர்கள் ஒரு பாரில் நுழைந்து ஒரே பானத்தை பகிர்ந்து குடிக்கிறார்கள், அந்த இருவரில் ஒருவர் செத்துவிடுகிறார்? போஸ்ட்மார்ட்டம் விஷத்தால் மரனம் என்கிறது. எப்படி?

2. நான் ஒரு கடைக்குச் சென்றேன். அங்கு ஒரு பொருளின் விலை கேட்டேன் அதற்கு விற்பனையாளர் - 3 வாங்கினால் 3ரூபாய், 10 வாங்கினால் 6ரூபாய், 200 வாங்கினால் 9ரூபாய் என்கிறார். நான் என்ன வாங்கப் போனேன்?

டோண்டுவும் - பின்னூட்டமும்

2006-10-03T03:30:00.000-07:00

நான் திரு.டோண்டுவின் பதிவில் பின்னூட்டமிட்டேன், அதன் வினை எனக்கு ஆபாச பின்னூட்டங்கள், வலை நண்பர்களே, நான் இப்போது என்ன செய்ய வேண்டும்?

ராஜ்வனஜ் - க்கு சில கேள்விகள்

2006-10-03T02:50:00.000-07:00

"இந்தியா என் சகோதரன் கையில் கொடுத்திருப்பது - மலம்"

என்ற தலைப்பில் திரு. rajavanaj அவர்கள் பதிவைப் பார்த்தேன். அட! அட!!, அங்கே அவர் மேற்படி தலைப்பில் பாட, ஒரு கோஷ்டியே அதற்கு தாளம் போட - ஒரே அமர்க்களம் போங்கள். நான் இட்ட பின்னூட்டத்திற்கு பதிலாக - எனக்குத் தெளிவு இல்லை என்ற பதில். ஐயா!, எனக்கு சில கேள்விகள், தயவு செய்து என்னைத் தெளிவு படுத்துங்கள்.

1. என் சகோதரன் -இந்த சகோதர பாசம் பற்றி எனக்கு ஒரு குழப்பம், ஏழைகள் மட்டும்தான் உங்கள் சகோதரன் ஆக முடியுமா? அதிலும் படிக்காத ஏழைகள் மட்டும்தான் உங்கள் சகோதரன் ஆக முடியுமா? அதிலும் ஓட்டுள்ள படிக்காத ஏழைகள் மட்டும்தான் உங்கள் சகோதரன் ஆக முடியுமா? சுதந்திரம் வாங்கி இத்தனை நாள் ஆகியும் உங்கள் சகோதரன் வேறு வேலையே தெரியாமல் உங்கள் வாயைப் பார்த்துக்கொண்டே மலம் அள்ளிக் கொண்டே இருக்கிறானா? "ஆட்கள் தேவை" போர்டுகள் தொங்கிக் கொண்டே இருக்கும் ஊர்கள் பல உள்ளதே உங்கள் சகோதரன் அதைக் கவனிக்கவில்லையா? ஓ!, படிக்கவில்லை அல்லவா!, உம் போன்ற சகோதரர்கள் படித்துச் சொல்லலாமே? அப்படியென்ன வேலை இல்லாதவர்களின் கடைசிப் புகலிடமா மலம் அள்ளுவது? எத்தனை பேர் வேறு வேலை செய்யவில்லை? இல்லை மலம் அள்ளச் சொல்லி இப்போது யாராவது கட்டாயப்படுத்தப்படுகிறார்களா? இந்தியர்கள் மட்டும்தான் உங்கள் சகோதரனா? இல்லை மனிதர்கள் அனைவரும் உங்கள் சகோதரனா? மனிதர்கள் மட்டும்தான் உங்கள் சகோதரனா? இல்லை உயிரினங்கள் அனைத்தும் உங்கள் சகோதரனா?

2. மலம் அள்ளுவது என்ன கேவலமா? நம் ஒவ்வொருவர் உடம்பிலும் சிறிதளவு மலம் உள்ளதுதானே. மலத்தைத் தொடாதவர்கள் நம்மில் யாராவது உண்டா? எந்த தொழிலும் சிறந்ததுதானே?. (உடனே ஏன் நீ அதைச் செய்யக் கூடாது என பதில் கேள்வி வேண்டாம், நான் அல்ல இந்த உலகில் யாவரும் when inevitable எதையும் - எதையும் செய்பவர்களே) மலம் கேவலமா? அதை உற்பத்தி செய்யும் பயனற்ற மனிதன் கேவலமா?

3. "இந்தியா என் சகோதரன் கையில் கொடுத்திருப்பது - மலம்" - இந்தியா எப்போது கொடுத்தது? ஓ!! இந்திய அரசாங்கமோ? சரி, ஒரு அரசாங்கம் உங்கள் சகோதரர்கள் அனைவருக்கும் என்னதான் செய்ய வேண்டுமென்று சொல்கிறீர்கள். அடுக்கு மாடி குடியிருப்பும், தினம் ஐநூறு பணமுமா? ஏழைகளுக்கு ஒதுக்கப்பட்ட அடுக்கு மாடி குடியிருப்பை வாடைகைக்கு விட்டுவிட்டு அந்தப் பணத்தில் சாராயம் போடும் உங்கள் சகோதரர்களுக்கு அரசாங்கம் என்னதான் செய்ய வேண்டும். கல்வியில், வேலையில் என இட ஒதுக்கீடு அளித்தும் மலம்தான் அள்ளுவேன் எனும் உங்கள் சகோதரர்களுக்கு வேறு என்னதான் வேண்டும்?

4. இது Survival of the FITTEST!- உலகம். போராடுங்கள், வெல்லுங்கள். குறை சொல்லிப் புலம்பாதீர்கள். Nothing is GRANTED!. உங்கள் சகோதரர்களுக்கும் இதைச் சொல்லுங்கள், சொல்லுவீர்களா?

அன்புடன்

புதிர் எண் - 4

2006-09-26T01:38:00.000-07:00

ஒரு கணிதப்புதிர்.

எப்படி?

கணிதம் தெரியாதவர்களுக்காக மற்றொரு புதிர்.

என்னிடம் 9 ஒரே மாதிரியான இரும்புக்குண்டுகள் உள்ளன. அதில் 8 குண்டுகள் ஒரே எடை. ஒன்று மட்டும் சற்று எடை அதிகம். என்னிடம் ஒரு தராசு (balance) உள்ளது. இரண்டு முறை மட்டும் குண்டுகளை அதி்ல் போட்டு எடை பார்க்கலாம். எடை அதிகமான குண்டு எது என்று எப்படி கண்டுபிடிப்பீர்கள்.

புதிர் எண் - 3

2006-09-23T01:32:00.000-07:00

படியூர் நோக்கி நீங்கள் செல்கிறீர்கள். ஓரிடத்தில் 2 பாதைகள் பிரிகிறது. அதில் ஏதோ ஒன்றுதான் படியூர் செல்லும். உங்களுக்கு எந்த வழி படியூர் செல்லும் வழி என்று தெரியாது வழிகாட்டி பலகைகளும் கிடையாது அந்த பிரியும் இடத்தில் 2 நபர்கள் அமர்ந்து உள்ளார்கள். அவர்களை விசாரித்துத்தான் நீங்கள் படியூர் செல்ல முடியும். அவர்களில் ஒருவர் உண்மை மட்டுமே பேசுபவர், மற்றவர் பொய் மட்டுமே பேசுபவர்.( யார் உண்மை பேசுபவர்,யார் பொய் பேசுபவர் என்று தெரியாது) நீங்கள் அவர்கள் இருவரிடமும் ஒரே ஒரு (1 மட்டுமே தலா 1 அல்ல) கேள்விதான் கேட்கவேண்டும். அவர்கள் சொல்லும் பதிலை வைத்து நீங்கள் சரியான வழி கண்டுபிடித்து செல்ல வேண்டும். என்ன கேள்வி கேட்பீர்கள்

அடுத்த புதிர்

2006-09-22T01:46:00.000-07:00

என்னிடம் 10 சாக்குப்பைகளில் தலா 10 இரும்புக்குண்டுகள் உள்ளன. ஒவ்வொரு குண்டும் 1 கிலோ எடை கொண்டது. அதில் ஒரு சாக்குப்பையில் மட்டும் ஒவ்வொரு குண்டும் 1.1 கிலோ எடை கொண்டது (மற்ற 9 பையிலும் 1 கிலோ குண்டுகள் தான்).

உங்களிடம் ஒரு ஸ்கேல் உள்ளது. ஒரு காலி சாக்குப்பையும் உள்ளது. நீங்கள் ஒவ்வொரு பையிலிருந்தும் எப்படி வேண்டுமானாலும் குண்டுகளை எடுத்து காலி பையில் போட்டுக்கொள்ளலாம், ஆனால் ஒரே ஒரு முறைதன் எடை போடவேண்டும். அப்படி போட்ட எடையை வைத்து எந்த பையில் அந்த எடை அதிகமான (1.1 கிலோ) குண்டுகள் உள்ளன என்று கண்டு பிடிக்கவேண்டும்.

பெரியார் வாழ்க! அவர் புகழ் ஓங்குக!!

2006-09-21T02:09:00.000-07:00

விடாது கருப்பு அண்ணாத்தே வலையை பார்த்தேன், அதில் அவர்
பெரியார் வாழ்க! அவர் புகழ் ஓங்குக!!
என்று எழுதி வைத்திருந்தார், புகழ் ஓங்குக!! - சரி, அதென்ன பெரியார் வாழ்க!, செத்தவர் எப்படி வாழ முடியும். சரி, சரி இதெல்லாம் ஒரு மரபா போச்சுது.

ஒரு புதிர்

2006-09-21T01:35:00.000-07:00

என்னிடம் 3 சிகப்பு பந்துகளும், 3 நீல பந்துகளும் உள்ளன. ஒரு பெட்டியில் 2 சிகப்பு பந்துகளும், ஒரு பெட்டியில் 2 நீல பந்துகளும்,ஒரு பெட்டியில் 1 சிகப்பு 1 நீல பந்துகளும் என அடைத்து சீல் செய்துவிட்டேன். எனது பிரிண்டரில் சிகப்பு, நீலம், இரண்டும் என 3 பேப்பர் பிரிண்ட் செய்து அந்த பெட்டியில் ஒட்டும் போது அனைத்தையும் தவறாக ஒட்டிவிட்டேன் (அதாவது சிகப்பு என்ற பேப்பர் ஒட்டப்பட்ட பெட்டியில் நிச்சயமாக சிகப்பு இல்லை, நீலம் என்ற பேப்பர் ஒட்டப்பட்ட பெட்டியில் நிச்சயமாக நீலம் இல்லை)

இப்போது கேள்வி

நீங்கள் ஏதாவது ஒரு பெட்டியை திறந்து கண்களை மூடியவாறு அதில் உள்ள 2 பந்தில் எதாவது ஒரு பந்தை மட்டும் எடுத்துக்கொண்டு பெட்டியை மூடிவிட வேண்டும். கையில் உள்ள பந்தின் நிறத்தை மட்டும் வைத்துக்கொண்டு எந்த எந்த பெட்டிகளில் என்ன என்ன நிற பந்துகள் உள்ளன என்று கண்டுபிடிக்கவேண்டும்

முயற்சியுங்கள்

அன்புடன்

மறு மொழி மட்டுருத்தல்

2006-09-05T05:29:00.000-07:00

ஏன் எனது பதிவின் "மறுமொழி திரட்டப்படுவதில்லை"
மறுமொழி திரட்டப்பட நான் என்ன செய்ய வேண்டும்?

தி.க வினருக்கு சில கேள்விகள்

2006-08-30T22:28:00.000-07:00

மூட நம்பிக்கையை கேலி செய்யும் நீங்கள்
1. கருப்பு சட்டை அணிவது ஏன்?
2. சிலைக்கு மாலை போடுவது ஏன்?
3. பெரியாரை கடவுள் ரேஞ்ஜிற்கு உயர்த்துவது ஏன்? (அவருடைய கருத்துக்கள் சிறந்தவை என்றாலும், கருத்துக்களை விட்டு நபரை துதிப்பது ஏன்? - பெரியாரே அதை விரும்பவில்லை என்றாலும் கூட!)

உங்கள் பதிலை வைத்து எனது உப கேள்விகள் தொடரும்.

அன்புடன்.

வாக்குறுதி

2006-08-30T03:24:00.000-07:00

இது சார்பற்ற, நேர்மையான கேள்விகள்!

எனது சார்போ, எனது கேள்வியின் சார்போ எதையும் கேள்விக்குள்ளாக்காதீர்கள், நான் உறுதியான நடுநிலையாளன் என் பிரமானம் அளிக்கிறேன். எனக்கு தேவை பதில்கள் மட்டுமே, நோக்கத்தை விமரிசிக்க வேண்டாம். ஜாதி, மொழி, மதம் என அனைத்திலும் நம்பிக்கையற்றவன். (என்னைப்போல பலரும் உண்டு என நம்புபவன்) உங்கள் வாழ்த்துக்களுடன்

இனி கேள்விகள்.

அன்புடன்

முன்னோட்டம்

2006-08-30T03:06:00.000-07:00

இங்கு கேள்விகள் (மட்டும்!) கேட்கப்படும்.கேள்வித்தாள் தயாராகிக்கொண்டிருக்கிறது. மக்கள் தங்கள் மனதிற்குள் வைத்து கேட்கலாமா வேண்டாமா என யோசிக்கும் கேள்விகள் அனைத்தும் இங்கே உண்டு. இது (கேள்விகள்) என் கருத்தா என்றால், இருக்கலாம், இல்லாமலும் இருக்கலாம். ஆனால் பலர் மனதில் இருக்கும் கேள்விகள்தான்.

அன்புடன்

எனது முதல் பதிவு

2006-08-30T03:05:00.000-07:00

இது ஒருகேள்விகளுக்கான பதிவு, எனக்கு பதில் தெரியாத, மக்களுக்கு தெரிய வேண்டிய கேள்விகள் இங்கே கேட்கப்படும்.
கேள்விகள் விரைவில்!!!

அன்புடன்.